14 
Yan
2022
14:04
48
174
2940
Virtual karabakh

Prokuror Mahir Xəttaba dörd il həbs cəzası istəyib

14 Yan, 2022
14:04
2940

Prokuror Mahir Xəttaba dörd il həbs cəzası istəyib

Bizim WhatsApp kanalımıza buradan abunə ola bilərsiniz

Prokuror hədə-qorxu ilə tələb etməkdə təqsirləndirilən “Azadinfo.az” MMC-nin təsisçisi Mahir Ələkbərova (Xəttab) dörd il azadlıqdan məhrum edilməsini istəyib.

“Report” xəbər verir ki, dövlət ittihamçısı bunu Nəsimi Rayon Məhkəməsinin hakimi Azər Tağıyevin sədrliyi ilə keçirilən prosesdə elan edib.

Daha sonra təqsirləndirilən şəxsin vəkili müdafiə çıxışı üçün məhkəmədən vaxt tələb edib.

Növbəti proses yanvarın 18-də davam etdiriləcək.

Qeyd edək ki, M.Ələkbərov Yeni Azərbaycan Partiyasının Binəqədi rayon təşkilatının sədri vəzifəsini icra etmiş Ramiz Göyüşov barəsində qeyri-etik görüntüləri qəsdən yaymaqda və ümumilikdə 2 min manat məbləğində pul vəsaitini hədə-qorxu ilə tələb etməkdə ittiham olunur.

Onun barəsində Cinayət Məcəlləsinin 182.1-ci (hədə-qorxu ilə tələb etmə) maddəsi ilə ittiham irəli sürülüb.

Xatırladaq ki, M.Ələkbərovu Baş prokuror yanında Korrupsiyaya qarşı Mübarizə Baş İdarəsinin əməkdaşları saxlayıb.

Bizimlə əlaqə saxlayın

Digər Kriminal xəbərləri