25 
Yan
2022
15:32
314
103
3240
Virtual karabakh

Bakıda dayanma-durma qaydalarını pozanlar, sürücülər və “parkovşik”lər CƏRİMƏLƏNDİ - FOTO/VİDEO

25 Yan, 2022
15:32
3240

Bakıda dayanma-durma qaydalarını pozanlar, sürücülər və “parkovşik”lər CƏRİMƏLƏNDİ - FOTO/VİDEO

Sabunçu və Binəqədi rayonlarında qanunsuz parklanma ilə əlaqədar bu gün keçirilən reydlər zamanı 175 nəfər cərimələnib.

Bu barədə Daxili İşlər Nazirliyinin (DİN) Mətbuat Xidməti məlumat yayıb.

Bildirilib ki, Sabunçu Rayon Polis İdarəsinin Dövlət Yol Polis Şöbəsinin əməkdaşları tərəfindən Bakıxanov qəsəbəsində gün ərzində keçirilən reydlərdə 90-a yaxın sürücü barəsində inzibati protokol tərtib edilib.

Bakıxanov qəsəbəsində keçirilən reydlər zamanı qanunsuz olaraq parklama xidməti təşkil edən 12-yə yaxın şəxs də müəyyən edilib və onlar da inzibati məsuliyyətə cəlb olunublar.

Həmçinin Binəqədi Rayon Polis İdarəsinin Dövlət Yol Polis Şöbəsinin əməkdaşları tərəfindən rayonun müxtəlif ərazilərində əsasən səkilərində avtomobillərini qanunsuz olaraq saxlayan və bununla da piyadaların hərəkətinə maneə yaradan sürücülər müəyyən ediliblər.

Qeyd edilən qayda pozuntusuna yol verən 73 sürücü barəsində inzibati protokol tərtib edilib.

Nazirlikdən bildirilib ki, bu istiqamətdə Sabunçu və Binəqədi rayonlarında yol polisi tərəfindən reydlər mütəmadi olaraq davam etdiriləcək.

Bizimlə əlaqə saxlayın

Digər Kriminal xəbərləri