Fev
2023
18:20
14
156
3222
Virtual karabakh

“EuroHome”dakı yanğına görə icarəçilərə 16,5 milyon ziyan dəyib - Direktorla bağlı qərar verildi

1 Fev, 2023
18:20
3222

“EuroHome”dakı yanğına görə icarəçilərə 16,5 milyon ziyan dəyib - Direktorla bağlı qərar verildi

Bizim WhatsApp kanalımıza buradan abunə ola bilərsiniz

Ali Məhkəmədə “EuroHome” Məhdud Məsuliyyətli Cəmiyyəti (MMC) tikinti materialları bazarının direktoru Samir Məmmədov və şirkətdə elektrik vəzifəsində çalışmış Amil Salmanovun barələrindəki hökmdən verilən kassasiya şikayəti üzrə məhkəmə iclası başa çatıb.

Pravda.az xəbər verir ki, hakim Tahir Kazımovun sədrliyi ilə keçirilən prosesdə qərar elan olunub.

Qərara əsasən, Samir Məmmədovun müdafiəçisi tərəfindən verilən kassasiya şikayəti geri qaytarılıb. Amil Salmanovun müdafiəçisi və bir neçə zərərçəkmişin nümayəndələri tərəfindən ayrı-ayrılıqda verilən kassasiya şikayəti isə təmin edilməyib.

İttihama görə, “EuroHome” MMC tikinti materialları bazarında yanğın hadisəsi 10 dekabr 2019-cu il tarixdə qeydə alınıb. Nəticədə 125 icarəçiyə məxsus 16 429 339,94 manat dəyərində əmlak yanaraq yararsız hala düşüb.

Bu iş üzrə MMC-nin direktoru Samir Məmmədov və şirkətdə elektrik vəzifəsində çalışmış Amil Salmanov məsuliyyətə cəlb ediliblər.

Onların barəsində Cinayət Məcəlləsinin 225.2-ci (yanğın təhlükəsizliyi qaydalarının pozma, eyni əməllər ölümə və ya digər ağır nəticələrə səbəb olduqda) maddəsi üzrə ittiham irəli sürülüb.

Rəsmi məlumata görə, dəymiş zərərin bir qismi ödənilib.

Binəqədi Rayon Məhkəməsinin hakimi Aygül Qurbanovanın sədrliyi ilə keçirilən hazırlıq iclasında elan edilib ki, Samir Məmmədovun barəsində seçilmiş polis nəzarətində qətimkan tədbiri həbs qətimkan tədbiri ilə əvəzlənib və o, məhkəmə zalında həbs edilib.

Məhkəmənin hökmü ilə hər iki şəxsə 3 il 7 ay 15 gün müddətinə azadlıqdan məhrumetmə cəzası təyin olunub. Hökmdə qeyd edilib ki, Samir Məmmədovla Amil Salmanov cəzalarını məntəqə tipli cəzaçəkmə müəssisəsində çəkəcəklər.

Bundan başqa, hökmə əsasən, zərərçəkmişlərin mülki iddiaları qismən təmin edilib. Lakin hökmdən narazı qalan məhkumlar və zərərçəkmişlər apellyasiya şikayəti veriblər. Bakı Apellyasiya Məhkəməsinin qərarı ilə məhkumların apellyasiya şikayəti təmin edilməyib, bəzi zərərçəkmiş şəxslərin mülki iddialarına dair hissə dəyişdirilib.

Belə ki, bir qisim zərərçəkmiş mülki iddialarından imtina etdiyindən, həmin şəxslərə (mülki iddiaçılara) aid hissədə mülki iddia üzrə icraata xitam verilib. Hökm qalan hissələrdə dəyişdirilmədən saxlanılıb. Daha sonra təqsirləndirilən şəxslərin müdafiəçiləri və bir qisim zərərçəkmiş kassasiya şikayəti ilə Ali Məhkəməyə müraciət ediblər.

Bizimlə əlaqə saxlayın

Digər Cəmiyyət xəbərləri