“Bakı Metropoliteni”ndə konsert proqramları keçiriləcək

Dünya Azərbaycanlılarının Həmrəyliyi Günü və Yeni il bayramı münasibəti ilə Bakı Metropolitenində konsert olacaq.

Oxu.Az-ın məlumatına görə, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev öz Facebook səhifəsində yazıb.

O, bildirib ki, metropolitenin stansiyalarında konsert proqramı dekabrın 30-da, saat 13:15-də başlayacaq. 

“Hər stansiyada 1,5 saat davam etməklə, öncə klassik, daha sonra xalq mahnıları ifa ediləcək” – deyə QSC rəsmisi bildirib.

Nəsimi Paşayev qeyd edib ki, metronun “28 May”, “Elmlər Akademiyası”, “İçəri şəhər” və bənövşəyi xəttin “Memar Əcəmi” stansiyalarında” 4 gün - 30, 31 dekabr, 1 və 2 yanvar tarixlərində konsert proqramı keçiriləcək. 

S.B.
www.oxu.az