İsmayıl Dağıstanlının anadan olmasından 110 il ötür

Azərbaycanın tanınmış aktyoru, SSRİ Xalq artisti, Dövlət mükafatları laureatı İsmayıl Dağıstanlı (Hacıyev) 1907-ci ilin bu günü anadan olub.

Oxu.Az xəbər verir ki, İ.Dağıstanlı 1930-cu ildən fasilələrlə Dram Teatrında, İrəvan Dram Teatrında (1936-1937) işləyib, Dərbənddə təşkil etdiyi Azərbaycan teatrının rejissoru və aktyoru olub (1932-1933). O, 1938-ci ildən Azərbaycan Milli Dram Teatrının səhnəsində klassik obrazlar silsiləsi yaradıb. Aktyor “Səbuhi”, “Böyük dayaq”, “Qatır Məmməd”, “Qara daşlar”, “Koroğlu”, “Kölgələr sürünür”, “Axşam konserti” və başqa filmlərdə çəkilib.

İsmayıl Dağıstanlı 1 aprel 1980-ci ildə vəfat edib.

A.S.
www.oxu.az