Alim Qasımovdan yeni klip – VİDEO

Xalq artisti Alim Qasımov və gənc DJ Vugarixx birlikdə hazırladıqları yeni mahnı və klipi təqdim ediblər.

Oxu.Az xəbər verir ki, “Yol” adlı mahnı təqdim edildiyi andan etibarən sosial mediada insanların geniş marağına səbəb olub. 

Mahnının klipi rejissor Vüsal Həsən tərəfindən çəkilib. Klipdə Alim Qasımov və DJ Vugarixxlə birgə, Azərbaycan Dövlət Pantomima Teatrının aktrisası Nuridə Musabəyli də iştirak edib.

“Həyatımın ən həyəcanlı, ən gərgin və ən uzun müddətə başa gələn proyektini təqdim etdim axır ki. Düşünürəm ki, bu iş mənim bu sahədə pasportum ola biləcək bir işdir”, – deyə DJ Vugarixx saytımıza bildirib.

Pərviz Hüseyn
www.oxu.az