Ankarada “Əli və Nino” filminin təqdimatı keçirilib

Heydər Əliyev Fondunun vitse-prezidenti Leyla Əliyevanın dəstəyi ilə çəkilən “Əli və Nino” filmi Ankarada nümayiş olunub.

AZƏRTAC xəbər verir ki, təqdimat Azərbaycanın Türkiyədəki səfirliyi və SOCAR tərəfindən təşkil olunub.

Film Azərbaycan xalqının müstəqillik uğrunda apardığı qətiyyətli mübarizəni, Azərbaycan Xalq Cümhuriyyətinin yaranmasını və o dövrdə baş verən mürəkkəb prosesləri, eləcə də XX əsrin əvvəllərində Azərbaycanın yerləşdiyi regiondakı ictimai-siyasi vəziyyəti özündə əks etdirir.

Dünyanın bir sıra ölkələrində nümayiş etdirilən “Əli və Nino” filmi Azərbaycan xalqının milli-azadlıq mübarizəsinə işıq salan ən dəyərli ekran əsərləri sırasında özünə layıqli yer qazanıb.