Xalq artisti: “Amaliya Pənahovanı teatrdan incik saldılar” - VİDEO

“Amaliya xanım teatrdan incik düşdü”.

Bunu Xalq artisti Əli Nur ARB TV-nin efirində yayımlanan “Səhər-səhər” verilişində Azərbaycan Respublikasının Xalq artisti, mərhum aktrisa Amaliya Pənahovanın həyat və yaradıcılığının müzakirəsi zamanı dilə gətirib:

“Amaliya Pənahova gözəl sənətkar olmaqla yanaşı, həm də yaxşı dost, yoldaş, tərəf müqabili idi. Amma Amaliya xanım teatrdan incik düşdü. Bilirsiniz, bir teatra rəhbər gələndə gərək ədalətli olsun, rolları ədalətlə bölsün.

Bəzən teatr rəhbərləri təzə gələndə başlayırlar kimləsə intriqa, düşmənçilik aparmağa, kimdənsə qisas almağa. Amaliya xanımın incik düşməsi mənim gözlərimin qarşısında baş verdi”.