“Nu poqodi” cizgi serialına üç yeni qəhrəman gəlir - FOTO

“Nu poqodi” (“Bir dayan”) cizgi serialının yaradıcıları filmə əlavə olunan üç yeni qəhrəmanı nümayiş etdiriblər. Bu, porsuq Tim, kirpi Şu və cüyür Ulyadır.

Bununla bağlı 360 TV “Telegram” kanalı xəbər yayıb.

"Soyuzmultfilm" studiyasının baş prodüseri Yuliya Osetinskaya yeni qəhrəmanların aktual və özlərindən əmin göründüklərini deyərək, onların dostcanlı və hər zaman kömək etməyə hazır olduqlarını vurğulayıb.

“Əminəm ki, tamaşaçılar yeni personajları sevəcəklər. Onlar, həqiqətən, bizim çox xoşumuza gəlir”, - deyə o bildirib.