Koronavirusa yoluxan Xalq artistinin xəstəxanadan görüntüsü yayıldı - YENİLƏNİB + FOTO
Koronavirusa yoluxan Xalq artistinin xəstəxanadan görüntüsü yayıldı - YENİLƏNİB + FOTO
Koronavirusa yoluxan Xalq artisti Arif Quliyevin xəstəxanadan görüntüsü yayılıb.
Oxu.Az xəbər verir ki, foto sosial şəbəkədə paylaşılıb.
Həmin görüntünü təqdim edirik:
11:50
“Xalq artisti Arif Quliyevin vəziyyəti olduqca ağır qiymətləndirilir”.
Bunu Oxu.Az-a açıqlamasında “Yeni klinika”nın reanimasiya şöbəsinin müdiri Emil Qasımov bildirib.
Onun sözlərinə görə, A.Quliyev təxminən 10 gündür yeni növ koronavirusa (COVID-19) yoluxub. Dörd gündür xəstəxanada aparılan müalicələrə baxmayaraq, vəziyyətində ağırlaşmalar oldu. Bir gün əvvəl reanimasiya və intensiv terapiya şöbəsinə qəbul edilib”.
Həkim əlavə edib ki, Xalq artistinin ciyərlərinin 90 faizi COVID-19-dan zədələndiyi üçün süni tənəffüs aparatına qoşulub:
“Lazım olunan bütün müayinə və müalicələr aparılır. Ancaq vəziyyəti çox ağırdır”.
İlhamə Əbülfət
10:18
Xalq artisti Arif Quliyev koronavirusa (COVID-19) yoluxub.
Bu barədə APA-ya onun oğlu Rövşən Quliyev məlumat verib.
O, atasının iki gün əvvəl “Yeni klinika”ya yerləşdirildiyini deyib:
“Hazırda vəziyyəti çox pisdir, süni tənəffüs aparatına qoşulub. Klinikanın həkimləri sağ olsunlar, atamın səhhəti ilə maraqlansalar da, ona böyük diqqət ayırsalar da, atamın vəziyyəti hələ ki, olduqca kritikdir”.