Okt
2021
10:43
234
134
10599
Virtual karabakh

Flora Kərimova onu təhqir şəxsdən şikayət etdi: Məhkəmə cəza verdi - ÖZƏL

2 Okt, 2021
10:43
10599

Flora Kərimova onu təhqir şəxsdən şikayət etdi: Məhkəmə cəza verdi - ÖZƏL

Bizim WhatsApp kanalımıza buradan abunə ola bilərsiniz

Xalq artisti Flora Kərimova “Instagram” sosial şəbəkəsində onu təhqir edən şəxsi məhkəməyə verib.

Oxu.Az-ın əldə etdiyi məlumata əsasən, istifadəçi “Instagram” sosial şəbəkəsində şou səhifələrinin birində yerləşdirilmiş və mərhum Xalq artisti İlhamə Quliyevanın da adı çəkilmiş statusda təhqiramiz şərhlər yazıb.

Məhkəmə müəyyən edib ki, həmin istifadəçi Flora Kərimovanın şəxsi həyatı haqqında böhtan və təhqir dolu fikirlər yazaraq onu mərhum İlhamə Quliyeva ilə müqayisə edib.

İstifadəçi həmin təhqirlər fonunda İlhamə Quliyevanın Flora Kərimovadan yaxşı sənətkar olduğunu da bildirib.

Təqsirləndirilən şəxs məhkəmə ifadəsində özünü təqsirli bilib, lakin əlavə edib ki, məqsədi heç də Flora Kərimovanı təhqir etmək olmayıb.

O, Flora Kərimova ilə barışığa cəhd etsə də, xalq artisti bu təklifi rədd edib.

Həmin şəxs məhkəmənin hökmü ilə Cinayət Məcəlləsinin 147.1 və 148-ci maddələri ilə təqsirli bilinərək bir il müddətinə islah işləri cəzasına məhkum edilib.

Aqşin Kərimov

Bizimlə əlaqə saxlayın

Digər Cəmiyyət xəbərləri