12 
Noy
2021
00:42
52
147
2154
Virtual karabakh

“Kalmar oyunu” məşhurluğuna görə “Taxt-tac oyunları”nı keçdi - FOTO

12 Noy, 2021
00:42
2154

“Kalmar oyunu” məşhurluğuna görə “Taxt-tac oyunları”nı keçdi - FOTO

Bizim WhatsApp kanalımıza buradan abunə ola bilərsiniz

“Netflix”in Cənubi Koreya istehsalı olan “Kalmar oyunu” (“Squid Game”) serialı “YouTube”da populyarlığına görə HBO-nun “Taxt-tac oyunları”nı (“Game of Thrones”) serialını geridə qoyub.

Qeyd olunur ki, ümumilikdə videohostinqdə Cənubi Koreya teleseriallarının məzmununda pərəstişkarları tərəfindən yaradılmış rəsmi treylerlər və kliplər də daxil olmaqla müxtəlif uzunluqda 129 minə yaxın video var. Noyabrın 10-na olan məlumata görə, bu məzmunun ümumi baxış sayı 17 milyardı ötüb. Bundan əlavə, istifadəçilər videoya bəyənmə və şərhlər daxil olmaqla 533 milyon reaksiya qoyublar.

Eyni zamanda HBO hiti sayılan “Taxt-tac oyunları” üçün 420 000 video yaradılıb. Bununla belə, 10 il ərzində ümumi baxış sayı 16,9 milyard olub. Reaksiya sayına görə də amerikan serialı geridə qalır: bütün videoların altında 233 milyon bəyənmə, bəyənməmə işarəsi qoyulub və şərh yazılıb.

Qeyd edək ki, “Kalmar oyunu” maddi çətinliklərini həll etmək üçün adaya yollanan və sağ qalma oyunlarına qatılan personajlardan bəhs edir. Onlar 40 milyon dollar qazanmaq üçün uşaqlıqda oynadıqları altı oyunu uğurla başa vurmalıdırlar. Rəqabətə tab gətirməyib uduzanlar isə ölürlər.

Ekran işi premyerasından 25 gün sonra 111 milyon baxış sayı toplayıb. Bu o deməkdir ki, “Squid game” ilk dörd həftədə 82 milyon baxış toplayan ABŞ-ın “Bridgertons” serialını qabaqlayıb.

Mənbə: NewsBreak

Bizimlə əlaqə saxlayın

Digər Mədəniyyət xəbərləri