Tanınmış gənc aktyor vəfat edib - FOTO
Tanınmış gənc aktyor vəfat edib - FOTO
“Scouts Guide to the Zombie Apocalypse” (“Skautlar Zombilərə qarşı”) filmində rol alan aktyor Coi Morqan 28 yaşında dünyasını dəyişib.
Bu barədə rejissor Kristofer Lendon “Twitter”də xəbər verib.
“O, sakit, məzəli, ağıllı, düşüncəli idi. Onun ölüm xəbəri ürəkləri parçalayır. Onu tanımaq mənim üçün şərəf idi”, - deyə rejissor yazıb.
Joey Morgan came into my life nearly 9 years ago when I made Scouts. He was quiet, funny, intelligent and thoughtful. And when the cameras rolled he was magnetic. He passed today and the news is heartbreaking. I am honored to have known him. 💔 pic.twitter.com/53GQ0r0YYB
— christopher landon (@creetureshow) November 21, 2021
Aktyorun sözçüsü onun ölüm xəbərini təsdiqləyib.
“Lütfən, bizim şəxsi həyatın toxunulmazlığı hüququmuza hörmət edin ki, əziz bir insan üçün yas tuta bilək”, - deyə yaxınları xahiş edib.
Coi Morqanın ölümünə tam olaraq nəyin səbəb olduğu bilinmir.
“Scouts Guide to the Zombie Apocalypse” Morqan üçün kinoda debüt olub. Bundan sonra o, “Compadres”, “Flower”, “Max Reload and the Nether Blasters” kimi filmlərində oynayıb.