Göbəklitepe və Şanlıurfa muzeyindən VİDEOREPORTAJ

Baku TV Türkiyənin ən böyük 7-ci şəhəri Şanlıurfada yerləşən Göbəklitəpə məbəd kompleksi və Şanlıurfa muzeyindən reportaj hazırlayıb.

Göbəklitəpə dünyada ən qədim istehkam məbəd kompleksidir. 2003-cü ildə aparılmış geomaqnit tədqiqatlarına əsasən, məbəd kompleksi eramızdan əvvəl 9-cu minilliyə aiddir. Onun aşkar edilməsi Yaxın Şərq və bütün Avrasiyada ilkin Neolit dövrü haqqında qəbul olunmuş baxışlarda inqilabi dönüş etmiş olub. Göbəklitəpə məbəd kompleksi bu günə qədər Mezolit dövrünə aid ən qədim mədəni istehkam sayılır.

Baku TV-nin çəkiliş qrupu Şanlıurfa muzeyində də olub. Balıqlıgölün ətrafında evlərin altından tapılan, insan boyunda olan (1.80 metr) dünyanın ən qədim heykəli bu muzeydə sərgilənir. Heykəlin üzündə, dərin göz oyuqlarında şüşələr yerləşdirilib. Ağız nahiyəsi yoxdur, əlləri isə önə çarpazlanıb.