20 
May
2022
13:02
32
117
4797
Virtual karabakh

Xalq artisti Vaqif Əsədov dəfn edilib

20 May, 2022
13:02
4797

Xalq artisti Vaqif Əsədov dəfn edilib

Bizim WhatsApp kanalımıza buradan abunə ola bilərsiniz

Azərbaycanın Xalq artisti, teatr rejissoru, aktyor Vaqif Əsədov dəfn olunub.

“Report” xəbər verir ki, mərhum “Qurd qapısı” qəbiristanlığında, həyat yoldaşı və oğlunun məzarı yanında torpağa tapşırılıb.

Mərasimdə mədəniyyət nazirinin birinci müavini Elnur Əliyev, mərhumun ailə üzvləri, yaxınları və eləcə də ictimaiyyət nümayəndələri iştirak ediblər.

Qeyd edək ki, V.Əsədov mayın 19-da 75 yaşında vəfat edib.

Xatırladaq ki, Əsədov Vaqif Firudin oğlu 1947-ci ildə Naxçıvan Muxtar Respublikasında anadan olub. 1969-cu il may ayının 25-də Azərbaycan Dövlət İncəsənət İnstitutunun “Dram və kino aktyorluğu” fakültəsini bitirib. 1969-cu ildən 1989-cu ilə kimi Cəlil Məmmədquluzadə adına Naxçıvan Dövlət Musiqili Dram Teatrında aktyor, quruluşçu rejissor, baş rejissor vəzifələrində çalışıb. 1982-1989-cu illərdə Naxçıvan şəhərində fəaliyyət göstərmiş “Cavid” Poeziya Teatrının yaradılmasına nail olub.

1989-cu ildən o, Azərbaycan Dövlət Gənc Tamaşaçılar teatrında quruluşçu rejissor kimi fəaliyyət göstərib. 1978-ci ildə Azərbaycan SSR Əməkdar artisti, 2006-cı ildə Azərbaycanın Xalq artisti fəxri adına layiq görülüb.

2018-ci ildə “Azərbaycan Prezidentinin fəxri diplomu” ilə təltif olunub.

Bizimlə əlaqə saxlayın

Digər Cəmiyyət xəbərləri