Mar
2023
18:20
24
146
2868
Virtual karabakh

“Avroviziya-2023”də Azərbaycanı kim təmsil edəcək?

7 Mar, 2023
18:20
2868

“Avroviziya-2023”də Azərbaycanı kim təmsil edəcək?

Bizim WhatsApp kanalımıza buradan abunə ola bilərsiniz

“Avroviziya-2023” mahnı müsabiqəsinə cəmi iki ay qalıb.

Müsabiqəyə builki seçim zamanı beş ifaçı və onların mahnıları seçilib. Həmin musiqiçilər - Leyla İzzətova, Humay Aslanova və Əmrah Musayev dueti, “Mamagama” qrupu, Turan və Tural Bağmanovlar dueti və Azər Nəsibovdur. Azərbaycanın “Avroviziya-2023”də çıxış edəcəyi mahnının bu həftə bəlli olacağı gözlənilir. Builki təmsilçimiz kim olacağı isə hələ ki, bəlli deyil. Mövzu ilə bağlı məşhurların Oxu.Az-a açıqlamasını təqdim edirik.

Əməkdar artist, bəstəkar Gövhər Həsənzadə açıqlamasında “Mamagama” qrupunun ifasını bəyəndiyini bildirib. Bəstəkar “Avroviziya” ilə bağlı digər suallara şərh bildirmək istəmədiyini qeyd edib.

“Avroviziya-2022” mahnı müsabiqəsində təmsilçimiz Nadir Rüstəmli açıqlamasında bildirib ki, müsabiqə iştirakçıları ilə tanışdır və dəstəklədiyi ifaçılar var:

“Favoritim “Mamagama qrupu”, Humay Aslanova və Əmrah Musayev dueti, Leyla İzzətovadır. Ancaq nədənsə elə hiss edirəm ki, builki təmsilçimiz “Mamagama” qrupu olacaq”.

Azərbaycanı 2014-cü ildə müsabiqədə təmsil edən müğənni Dilarə Kazımova isə işlərinin çoxluğu ilə əlaqədar prosesləri izləyə bilmədiyini deyib:

“Son vaxtlar mahnılar, kliplər, fotosessiya...həddən artıq məşğul olduğum üçün bir çox məsələlərdən xəbərsizəm. Təəssüf ki, Avroviziya seçimlərini də izləyə bilməmişəm. İstənilən halda bütün iştirakçılara uğurlar arzulayıram”.

“Avroviziya-2011” mahnı müsabiqəsinin qalibi, müğənni  Eldar Qasımov təmsilçilərlə bağlı Oxu. Az-a açıqlamasında bunları deyib:

“Mən konkret olaraq kiminsə adını çəkə bilmərəm. Çünki “Avroviziya-2023” Azərbaycan nümayəndə heyətinin musiqi prodüseriyəm. Ona görə də bu mövzuda obyektivliyi nəzərə almalıyam. Əsas gözləntim isə ağıllarda qalacaq, gözəl ifa ilə təmsil olunmağımızdır ki, hazırda komanda olaraq bunun üçün çalışırıq”.

Qeyd edək ki, müsabiqə Liverpul şəhərində keçiriləcək. Layihənin yarımfinalları 9, 11 may, böyük finalı isə 13 mayda baş tutacaq.

Aytac Qasımova

Bizimlə əlaqə saxlayın

Digər Şou-biznes xəbərləri