“Türk Axını” başlanğıcda tək xətt olacaq
“Türk Axını” başlanğıcda tək xətt olacaq
“Türk Axını”nda Türkiyənin faydalanacağı tək bir xətt olacaq”.
Oxu.Az TRT Haber-ə istinadən xəbər verir ki, bu sözləri Okford Enerji İnstitutunun Qaz araşdırmaları kafedrasının rəhbəri, professor Conathan Stern deyib.
Stern Rusiya qazının Türkiyə üzərindən Avropaya nəqlini nəzərdə tutan “Türk Axını” layihəsinə dair deyib ki, “Türk Axını”nın başlanğıcında Türkiyənin istifadə edə biləcəyi tək bir xətt olacaq. Əgər ikinci bir xətt inşa ediləcəksə, bu halda Avropa İttifaqı (Aİ) ilə qanunvericilik müqaviləsini tələb edir”.
Rusiya energetika naziri Aleksandr Novakın layihənin imzalanmasının bu il oktyabr ayında atılacağı və 2019-cu ilin ilk yarısında inşa işlərinə başlayacağı ilə bağlı açıqlamasını şərh edən professor qeyd edib ki, “Əgər oktyabrda daha bir təxirəsalma olarsa, bu halda layihə 2019-cu ildə başa çata bilməz. Yox əgər nəzərdə tutulan tarixdə imzalar atılarsa, bu halda isə tək bir xətt inşa edilə bilər”.
Ülviyyə R. Əli
www.oxu.az