Köhnə binalarda evlərin qiyməti qalxıb
Köhnə binalarda evlərin qiyməti qalxıb
Təkrar mənzil bazarı üzrə orta qiymətlər yüksələrək 109 497 dollar təşkil edib.
Oxu.Az MBA Consulting Group şirkətinin ekspertlərinə istinadən xəbər verir ki, aylıq fərq 945 dollar – 0,86 faiz təşkil edib.
Bazar iştirakçılarının araşdırmalarına əsasən köhnə tikililərdə 1 otaqlı mənzillərin qiyməti aylıq əsasda 1,45 faiz azalıb. Nəticədə 1 otaqlı mənzillərin orta qiyməti 37 389 dollar təşkil edib.
2 otaqlı mənzillər üzrə qiymətlər 60 308, 3 otaqlı mənzillər üzrə 104 285, 4 otaqlı mənzillər üzrə 181 277 dollar olub.
Bazarın bu seqmentində ən çox qiymət artımı 3 otaqlı mənzillər üzrə baş verib - 4,29 faiz:
“Mənzillərin 1 Kv.m üzrə orta qiymətinə nəzər yetirdikdə aydın olur ki, 3 otaqlı mənzillərin dəyəri 0.30 faiz ucuzlaşıb. 1 otaqlı mənzillərin 1 Kv.m üzrə orta qiymət 956 ( -1.67%), 2 otaqlı mənzillər üzrə 959 ( +0.10%), 3 otaqlı mənzillər üzrə 990 ( -0.30%), 4+ otaqlı mənzillər üzrə 1138 dollar (+ 2.28%) olub”.
L.Ə.
www.oxu.az