25 
May
2018
12:54
36
89
2410
Virtual karabakh

Vahid Ələkbərov: Neftin hazırkı bazar dəyəri spekulyativdir

25 May, 2018
12:54
2410

Vahid Ələkbərov: Neftin hazırkı bazar dəyəri spekulyativdir

Bizim WhatsApp kanalımıza buradan abunə ola bilərsiniz

Neftin qiymətinin 80 dollara yaxınlaşmasına baxmayaraq, şirkətimiz ssenari şərtlərini dəyişmir. 2018-ci il üçün neftin büdcə qiymətini 50 dollardan hesablamışıq.

Oxu.Az xəbər verir ki, bunu “LukOil” şirkətinin rəhbəri Vahid Ələkbərov Rusiya mətbuatına müsahibəsində bildirib. 

O deyib ki, neftin 50 dollardan yüksək qiymətlə satışından əldə edilən gəlirlər hissədarlar arasında bölünməklə bərabər, yeni investisiya layihələrinə yönəldiləcək:

“Əlbəttə ki, bizim üçün prioritet Rusiya bazarıdır. Hazırda Xəzərdə dəniz yataqlarının qurulmasını və Baltikyanı yataqların inkişafını həyata keçiririk”. 

V.Ələkbərov orta müddətli perespektivdə neftin qiymətinin hansı həddə formalaşacağı yönündə suallara da aydınlıq gətirib. O bildirib ki, neftin hazırkı bazar dəyəri – 80 dollar spekulyativ qiymətdir:

“Bu, ABŞ-ın İranla nüvə sazişindən çıxmasından qaynaqlanır. Digər tərəfdən, bu gün ən böyük neft istehsalçısı olan Venesuelada istehsal həcmi ilə kritik vəziyyət yaranıb. Buna görə hesab edirəm ki, ortamüddətli perespektivdə neftin dəyəri 70-75 dollar arasında dəyişəcək”. 

L.Ə.
www.oxu.az

Bizimlə əlaqə saxlayın

Digər İqtisadiyyat xəbərləri