Rusiya Mərkəzi Bankı faiz dərəcəsini artırdı - YENİLƏNİB
Rusiya Mərkəzi Bankı faiz dərəcəsini artırdı - YENİLƏNİB
Rusiya Mərkəzi Bankı 2014-cü ildən sonra ilk dəfə faiz dərəcəsini artırıb.
Oxu.Az xəbər verir ki, MB faiz dərəcəsini 25 bənd artıraraq, 7.50 səviyyəsinə yüksəldib.
Qeyd edək ki, “Bloomberg”in sorğusunda iştirak edən iqtisadçılardan 42-si bankın faizləri sabit saxlayacağını, cəmi ikisi artımın olacağını irəli sürmüşdü.
11:35
Türkiyə Mərkəzi Bankının (TCMB) faiz artımı qərarından sonra diqqət Rusiya Mərkəzi Bankının keçiriləcək toplantısına yönəlib.
Oxu.Az xəbər verir ki, Türkiyə Mərkəzi Bankı həftəlik repo faizində 625 bənd artıma gedərək 24%-ə yüksəldib.
Xarici mətbuat yazır ki, TCMB-dan sonra bazarlara dəstək vermək növbəsi Rusiya Mərkəzi Bankındadır.
Belə ki, Rusiya Mərkəzi Bankı bu gün pul siyasətini müzakirə edəcək. İclasın nəticələri Bakı vaxtı ilə 14:30-da elan ediləcək. Qeyd edək ki, hazırda ölkənin pul siyasəti faizi 7.25 faiz təşkil edir.
Bəzi analitiklərə görə, Rusiya Mərkəsi Bankı ABŞ-ın sanksiyalarına cavab olaraq 2014-cü ildən indiyədək ilk dəfə faiz artımına gedə bilər.
Rusiyalı ekspertlər isə hesab edir ki, Mərkəzi Bank faiz siyasətini dəyişməyəcək.