Azərbaycan iqtisadiyyatına investisiya qoyuluşu azalıb
Azərbaycan iqtisadiyyatına investisiya qoyuluşu azalıb
2018-ci ilin yanvar-noyabr aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 12 milyard 899,4 milyon manat yönəldilib. Bu isə ötən ilin eyni dövrü ilə müqayisədə 8,8 faizdir.
Oxu.Az xəbər verir ki, Dövlət Statistika Komitəsinin yaydığı məlumata görə, bu vəsaitin 69,9 faizi məhz tikinti-quraşdırma işlərinə xərclənib.
“Bu azalma neft sektoruna yatırılmış investisiyaların azalması ilə bağlı olub, qeyri-neft sektoruna yönəldilən vəsaitin həcmi isə 21,2 faiz, o cümlədən qeyri-neft sənayesinə qoyulmuş investisiyalar 22,6 faiz artıb.
Ümumi sərmayənin 68,4 faizi məhsul istehsalı sahələrinin, 23,5 faizi xidmət sahələrinin, 8,1 faizi isə ümumi sahəsi 1844,3 min kvadrat metr olan yaşayış evlərinin tikintisinin payına düşüb”.
Qeyd edək ki, daxili mənbələrdən əsas kapitala yönəldilmiş vəsait ümumi sərmayənin 63,1 faizini təşkil edib.
Əsas kapitala yönəldilmiş sərmayənin ümumi dəyərində müəssisə və təşkilatların vəsaitləri 50,4 faiz, bank kreditləri 12,6 faiz, büdcə vəsaitləri 27,2 faiz, əhalinin şəxsi vəsaitləri 7,1 faiz, büdcədənkənar fondların vəsaitləri 2,0 faiz, sair vəsaitlər isə 0,7 faiz təşkil edib.
Oxu.Az yeniləndi!