Vahid Ələkbərov OPEC+ və möhtəkirlər barədə
Vahid Ələkbərov OPEC+ və möhtəkirlər barədə
OPEC+ sazişi bazarı möhtəkirlərdən təmizləməyə imkan verir.
“İnterfaks”ın məlumatına görə, bunu “Lukoyl” şirkətinin rəhbəri Vahid Ələkbərov “IHS Market” tərəfindən təşkil olunmuş “Ceraweek” konfransında etdiyi çıxışda bildirib.
“İran üzrə qərar olsaydı, Venesueladakı vəziyyət yaşansaydı, nələrin baş verə biləcəyini təsəvvürə gətirmək belə çətindir. Qiymətlər, heç şübhəsiz, 100 dolları (bir barelin qiyməti - red.) ötərdi.
Ancaq bu gün bazarda möhtəkirlər yoxdur və bir barelin qiyməti 60-70 dollar civarındadır. Bu, hadisələri proqnozlaşdırma, investisiya göstəricilərini planlaşdırma imkanı yaradır. Ən başlıcası, bizi istehlakçılar qarşısında üzüağ edir. Ona görə bu sazişin bizim sənayeyə müsbət təsir göstərdiyini düşünürəm”, - deyə Ələkbərov bildirib.