Mərkəzi Bankın valyuta hərracında dollara tələb kəskin azalıb

Bu gün Azərbaycan Mərkəzi Bankında Dövlət Neft Fondunun iştirakı ilə növbədənkənar valyuta hərracı keçirilib.

Bu barədə Mərkəzi Bank məlumat yayıb.

Bankın məlumatına görə, hərracda dollara tələb martın 19-na nisbətən 137,2 milyon ABŞ dolları və ya təxminən 2,3 dəfə azalaraq 106,5 milyon ABŞ dolları təşkil edib və tam təmin olunub.

Hərracda manatın ortaçəkili məzənnəsi 1,7000 səviyyəsində formalaşıb.