Bağlanmış bankların qeyri-qanuni qəbul etdiyi əmanətlər qaytarıla bilər - RƏSMİ

“Əmanətlərin Sığortalanması Fondu ləğv prosesində olan “AtaBank” ASC, “Amrahbank” ASC, “AGBank” ASC və “NBC Bank” ASC-nin bir zamanlar qanunsuz olaraq götürdüyü əmanətlər müvəqqəti olaraq blok edilib”.

Oxu.Az-ın məlumatına görə, bunu Əmanətlərin Sığortalanması Fondunun icraçı direktoru Tural Piriyev mətbuat konfransında bildirib.

O vurğulayıb ki, qeyd edilən əmanətlərlə bağlı araşdırma aparılıb:

“Biz çalışacağıq ki, onları blokdan çıxaraq. Bu, mümkün olmadığı təqdirdə, Konstitusiya Məhkəməsinə müraciət ediləcək ki, qanunsuz qəbul edilmiş əmanətlərlə bağlı məsələ vətəndaşların xeyrinə həll edilsin”.

İlhamə Əbülfət