Azərbaycanda istehsal olunan tütün məhsullarının dəyəri açıqlandı - FOTO

2020-ci il ərzində ölkə ərazisindən 6,9 min ton, ötən illə müqayisədə 15,1 faiz çox tütün yığılıb.

Oxu.Az-ın Dövlət Statistika Komitəsindən əldə etdiyi məlumata əsasən, müvafiq dövr ərzində 436,7 milyon manat dəyərində tütün məmulatları istehsal edilib.

Təkcə 2020-ci ilin dekabr ayı ərzində Azərbaycanda 45,5 milyon manat dəyərində tütün məhsulu istehsal edilib.

Əvvəlki illə müqayisədə tütün məmulatlarının istehsalı 7,9 faiz azalıb, o cümlədən, fermentləşdirilmiş tütün məhsulları 5,1 faiz, papiros və siqaretlərin istehsal həcmi isə 8,9 faiz azalıb.

Nigar Məmmədova