Azərbaycan məhsulları üç beynəlxalq sərgidə nümayiş olunacaq
Azərbaycan məhsulları üç beynəlxalq sərgidə nümayiş olunacaq
2021-ci ildə Azərbaycan üç böyük beynəlxalq sərgidə iştirak edəcək.
Bunu Azərbaycanda İxracın və İnvestisiyaların Təşviqi Fondunun prezidenti Yusif Abdullayev deyib.
Onun sözlərinə görə, 2021-ci ilin birinci yarısı üçün Azərbaycan məhsullarının nümayiş olunacağı sərgilərdən ilki Birləşmiş Ərəb Əmirliklərinin Dubay şəhərində 21-25 fevral tarixlərində keçiriləcək “Gulfood 2021” beynəlxalq qida sərgisi olacaq.
Növbəti dövrdə isə ölkəmiz 21-27 mart tarixlərində Çin Xalq Respublikasının Çenqdu şəhərində “China Food and Drinks Fair and TAOWINE Hotel Show” şərab və spirtli içkilər sərgisində, 30 mart-2 aprel tarixlərində isə Rusiya Federasiyasının Moskva şəhərində “Mosbuild” beynəlxalq tikinti materialları sərgisində öz məhsullarını nümayiş etdirəcək.