16 
May
2021
17:32
37
155
2611
Virtual karabakh

“Azəriqaz” qeydə alınan yeni abonentlərin sayını AÇIQLADI

2021-ci ilin aprel ayı ərzində 5 mindən çox yeni abonent qeydə alınıb. 

“Azəriqaz” İstehsalat Birliyindən Oxu.Az-a verilən məlumata əsasən, əhali sektoru üzrə ümumilikdə 5 min 885 yeni abonent qeydiyyata alınıb.

Bildirilib ki, onlardan 3 min 995-i Bakı, Abşeron və Sumqayıt, 1 890-ı isə regionların payına düşür. Bu ilin 4 ayı ərzində əhali sektoru üzrə 31 429 yeni abonent qeydiyyata alınıb.

Beləliklə, indiyədək ölkədə təbii qazla təmin olunan əhali abonentlərinin sayı 2 milyon 358 min 910-a bərabər olub. Bu statistik rəqəmə Bakı şəhəri üzrə 918 440, regionlar üzrə isə 1 milyon 440 min 470 abonent daxildir.

Bizimlə əlaqə saxlayın

Digər İqtisadiyyat xəbərləri