19 
İyn
2021
08:40
196
32
3759
Virtual karabakh

Rusiyada işçi qüvvəsi çatışmazlığı: Əmək miqrantlarını çarter qatarları ilə gətirmək istəyirlər

19 İyn, 2021
08:40
3759

Rusiyada işçi qüvvəsi çatışmazlığı: Əmək miqrantlarını çarter qatarları ilə gətirmək istəyirlər

Bizim WhatsApp kanalımıza buradan abunə ola bilərsiniz

Rusiya Kənd Təsərrüfatı Nazirliyi və “Rusiya Dəmir Yolları” ASC əmək mühacirlərini sahələrdə mövsümi işləmək üçün çarter qatarları ilə Rusiyaya gətirmək istəyir.

“Kommersant” yazır ki, bu qərarın aqrar-sənaye kompleksinin ehtiyacları üçün işçi qüvvəsi problemini həll edəcəyi düşünülür.

Bildirilir ki, bu məsələ ötən həftə nazirlikdə keçirilən iclasda müzakirə olunub. Kənd Təsərrüfatı Nazirliyi nəşrə kənd təsərrüfatı məhsulları istehsalçıları ilə dəmir yolu səyahətlərinin təşkili üçün kollektiv müraciətlərin verilməsi imkanlarını nəzərdən keçirdiklərini təsdiqləyib. 2021-ci ildə 38,2 min miqrantın mövsümi işlərdə çalışması planlaşdırılır.

Koronavirus pandemiyası fonunda 2020-ci ilin martında Rusiya xarici işçi qüvvəsinin ölkəyə girişini qadağan edib. Bu ilin mart ayında səlahiyyətlilər 250 nəfərdən çox heyəti olan və 2,5 milyard rubldan çox mənfəət əldə edən şirkətlərə əlavə işçi cəlb etməyə icazə verib.

Ölkənin Kənd Təsərrüfatı Nazirliyindən bildirilib ki, hazırda işçilər Rusiyaya yalnız hava yolu ilə gələ bilərlər. Bu isə bazar iştirakçılarının nəqliyyat xərclərini əhəmiyyətli dərəcədə artırır.

Bizimlə əlaqə saxlayın

Digər İqtisadiyyat xəbərləri