İyl
2021
18:04
177
25
4108
Virtual karabakh

Azərbaycanın iqtisadi rayonlarının yenidən bölgülənməsində ƏSAS MƏQSƏD - ŞƏRH

7 İyl, 2021
18:04
4108

Azərbaycanın iqtisadi rayonlarının yenidən bölgülənməsində ƏSAS MƏQSƏD - ŞƏRH

Bizim WhatsApp kanalımıza buradan abunə ola bilərsiniz

“İqtisadi rayonların yeni bölgüsü Qarabağın və Şərqi Zəngəzurun inkişafını sürətləndirəcək”.

Oxu.Az-ın məlumatına görə, bunu İqtisadi İslahatların Təhlili və Kommunikasiya Mərkəzinin İcraçı direktorunun müavini Ramil Hüseyn Azərbaycanın iqtisadi rayonlarının yeni bölgüsünü şərh edərkən deyib.

Onun sözlərinə görə, indiyə kimi Azərbaycanda 10 iqtisadi rayon mövcud olub və yeni bölgüyə əsasən isə iqtisadi rayonların sayı 14-ə çatdırılıb:

“Əlbəttə ki, Azərbaycan ərazilərinin işğaldan azad edilməsi iqtisadi rayonlar üzrə bölgüyə yenidən baxılmasını şərtləndirir. Fərmanda göstərildiyi kimi, bu bölgü Qarabağ bölgəsinin sürətli inkişafına xidmət edir. Onun üçün Qarabağ iqtisadi rayonu (Xankəndi şəhəri, Ağcabədi, Ağdam, Bərdə, Füzuli, Xocalı, Xocavənd, Şuşa və Tərtər rayonları) və Şərqi Zəngəzur iqtisadi rayonu (Cəbrayıl, Kəlbəcər, Qubadlı, Laçın və Zəngilan rayonları) yaradılıb”.

Ramil Hüseyn vurğulayıb ki, fərmanda Qarabağa vahid yanaşma var, yəni dağlıq və aran Qarabağ bir götürülür:

“Ağdam, Şuşa, Füzuli, Tərtər, Xocavənd, Xocalı rayonları və Xankəndi şəhəri, habelə Qarabağ bölgəsinə aid olan Ağcabədi və Bərdə rayonları da daxil olmaqla özünəməxsus zəngin tarixi-mədəni irsə, əsrarəngiz təbiətə malik qədim Qarabağ bölgəsinin bərpası və sürətli inkişafının təmin edilməsi üçün yeni Qarabağ iqtisadi rayonunun da yaradılması vacibdir”.

Qeyd edək ki, iqtisadi rayon - ölkə miqyasında təsərrüfatın ixtisaslaşma istiqamətlərinə görə fərqlənən ərazilərdir.

Bizimlə əlaqə saxlayın

Digər İqtisadiyyat xəbərləri