17 
Avq
2021
12:12
138
44
3818
Virtual karabakh

Ölkəyə gətirilən hibrid avtomobillərin ümumi dəyəri AÇIQLANDI

17 Avq, 2021
12:12
3818

Ölkəyə gətirilən hibrid avtomobillərin ümumi dəyəri AÇIQLANDI

Bizim WhatsApp kanalımıza buradan abunə ola bilərsiniz

2021-ci ilin yanvar-iyul ayları ərzində Azərbaycan daxili yanma mühərriklə yanaşı elektrik mühərriklə də hərəkətə gətirilən 5 879 ədəd avtomobil idxal edib.

Oxu.Az-ın Dövlət Gömrük Komitəsindən əldə etdiyi məlumata görə, idxal həcmi ötən ilin eyni dövrü ilə müqayisədə 3 426 ədəd və ya 2,4 dəfə çoxdur.

İdxal edilən avtomobillərin ümumi dəyəri 36 389 740 dollar olub ki, bu da ötən ilin eyni dövrü ilə müqayisədə 2,5 dəfə çoxdur.

Təkcə iyul ayında 1 001 ədəd bu tipdə avtomobil idxal edilib və onların ümumi dəyəri 6 370 570 dollar olub.

Eləcə də, yanvar-iyul ayları ərzində yalnız elektrik mühərriklə hərəkətə gətirilən 44 ədəd avtomobil idxal edilib və onların ümumi idxal dəyəri 1 533 010 dollar olub. Təkcə iyul ayında isə ölkəmizə səkkiz ədəd elektrik mühərrikli maşın idxal edilib.

Qeyd edək ki, yeddi ay ərzində idxal olunan daxili yanma mühərriklə yanaşı elektrik mühərriklə də hərəkətə gətirilə bilən avtomobillər ümumi idxal edilən avtomobillərin 12,4 faizini təşkil edib.

Nigar Məmmədova

Bizimlə əlaqə saxlayın

Digər İqtisadiyyat xəbərləri