17 
Noy
2021
12:04
566
82
2584
Virtual karabakh

Azərbaycan və İsrail nazirləri görüşüb: Əməkdaşlığa dair razılaşma əldə edilib - FOTO

17 Noy, 2021
12:04
2584

Azərbaycan və İsrail nazirləri görüşüb: Əməkdaşlığa dair razılaşma əldə edilib - FOTO

Kənd təsərrüfatı naziri İnam Kərimov İsrailə səfər çərçivəsində ölkənin kənd təsərrüfatı və kənd yerlərinin inkişafı naziri Oded Forer ilə görüşüb.

Kənd Təsərrüfatı Nazirliyindən Oxu.Az-a verilən məlumata əsasən, görüşdə aqrar tədqiqatlar sahəsində əməkdaşlığın genişləndirilməsi, kadr hazırlığı, aqrar təhsil sahəsində əməkdaşlıq, universitetlər arasında tələbə və müəllim mübadiləsi, ticarət dövriyyəsinin artırılması məsələləri müzakirə olunub.

Nümayəndə heyəti səfər çərçivəsində “Volcani Center” Aqrar Tədqiqatlar Mərkəzində olub. Mərkəzdə keçirilən görüş zamanı iki ölkənin aqrar tədqiqatlar sahəsində əməkdaşlıq perspektivləri müzakirə edilib, aqrar məlumatlar bazasının formalaşdırılması ətrafında fikir mübadiləsi aparılıb. Görüşdə “Volcani Center” Aqrar Tədqiqatlar Mərkəzi ilə Azərbaycanın müvafiq elmi tədqiqat institutları arasında toxumçuluq sahəsində əməkdaşlığın genişləndirilməsi və kadr mübadiləsi barədə razılaşma əldə olunub.

Bizimlə əlaqə saxlayın

Digər İqtisadiyyat xəbərləri