SOCAR rəsmisi: “İstisna deyil ki, yanacağa bəzi qatqılar da əlavə edilir” - VİDEO
SOCAR rəsmisi: “İstisna deyil ki, yanacağa bəzi qatqılar da əlavə edilir” - VİDEO
“Azərbaycanda benzin və yanacağın keyfiyyətinə nəzarət edən dövlət qurumları var. SOCAR yalnız istehsalçıdır”.
Oxu.Az-ın məlumatına görə, bunu SOCAR-ın mətbuat katibi İbrahim Əhmədov jurnalistlərə açıqlamasında deyib.
O bildirib ki, yanacaqdoldurma məntəqələrində müvafiq qurumların apardığı araşdırmalar zamanı bəzi kənarlaşdırmalar müəyyən edilib.
“Bizə verilən məlumata görə, nöqsanlar yanacağın saxlanılması ilə əlaqədardır. İstisna deyil ki, yanacağa bəzi qatqılar da əlavə edilir. Neft Emalı Zavodunda istehsal edilən benzin Aİ-92 Azərbaycanda qüvvədə olan norma və standartlara uyğundur. Bu, mütəmadi olaraq laboratoriyalarda yoxlanılır. Bizim istəyimiz odur ki, zavodda istehsal olunan məhsul həm də beynəlxalq standartlara uyğunlaşdırılsın. Buna görə də modernizasiya işləri aparılır”, - deyə o söyləyib.
SOCAR rəsmisi qeyd edib ki, Azərbaycanda “Avro-5” standartlı benzin istehsal olunandan sonra bu yanacaqla işləyən avtomobillərin sayı arta bilər.
Aqşin Kərimov