Ölkədə istehlak olunan qazın həcmi BİLİNDİ

Ötən il ölkəmizdə ümumilikdə 12 957 847 000 kubmetrə yaxın təbii qaz istehlak olunub.

Oxu.Az-ın Dövlət Neft Şirkətindən əldə etdiyi məlumata əsasən, bu, əvvəlki illə müqayisədə 8,4 faiz çoxdur.

2021-ci il ərzində ölkə üzrə qazlaşdırma səviyyəsinin 96,2 faizdən 96,3 faizə çatdırılması, habelə karbamid gübrəsinin istehsal həcminin təqribən 3 dəfə yüksəldilməsi istehlak göstəricilərinin artımına təsir göstərən əsas amillərdir.

Qeyd edək ki, SOCAR təbii qazdan xammal kimi istifadə edərək, metanol və karbamid gübrəsi istehsal etməklə, onun əlavə dəyərini bir neçə dəfə artırır.