Mikayıl Cabbarov: “Sənaye zonalarında 2,4 milyard manat dəyərində məhsul istehsal edilib” - FOTO

“Sənaye zonaları iqtisadiyyatın diversifikasiyasında, xüsusilə qeyri-neft sənayesinin inkişafında mühüm rol oynayır”.

Bu sözləri iqtisadiyyat naziri Mikayıl Cabbarov “Facebook” hesabında yazıb.

“2021-ci il ərzində sənaye zonalarında 2,4 milyard manat dəyərində məhsul istehsal edilib ki, bu da əvvəlki illə müqayisədə 88,3 % çoxdur. Ötən il sənaye zonalarının qeyri-neft sənaye istehsalında payı 15,5 %-ə yüksəlib, qeyri-neft sənaye istehsalının artımındakı payı isə 30 % təşkil edib”, - deyə nazir qeyd edib.