26 
May
2022
18:12
81
17
1158
Virtual karabakh

“Take Off Baku” beynəlxalq startap sammiti İŞƏ BAŞLADI - FOTO

26 May, 2022
18:12
1158

“Take Off Baku” beynəlxalq startap sammiti İŞƏ BAŞLADI - FOTO

Bizim WhatsApp kanalımıza buradan abunə ola bilərsiniz

Bakıda keçirilən “TEKNOFEST Azərbaycan” Aerokosmik və Texnologiya festivalı çərçivəsində “Take Off Baku” beynəlxalq startap sammiti işə başlayıb.

Bu barədə Rəqəmsal İnkişaf və Nəqliyyat Nazirliyi məlumat yayıb.

Bildirilib ki, sammitdə Azərbaycan daxil olmaqla səkkiz ölkədən 50 startap iştirak edir.

İştirakçı startaplar təhsil sahəsində doqquz, “Fintech” üzrə beş, səhiyyə üzrə iki, “Ağıllı şəhər” üzrə yeddi, nəqliyyat və logistika üzrə iki, infrastruktur və təhlükəsizlik üzrə iki, əyləncə üzrə üç, sosial sahə üzrə səkkiz, “Media&Ads” üzrə bir və digər sahələr üzrə 11 təkliflə investorlar qarşısında təqdimatla çıxış edəcəklər.

Təqdim edilmiş layihələrin ümumi məhsulunun 80%-i proqram, 2%-i isə aparat təminatına aiddir.

İştirakçı statusu əldə etmiş 50 startapa tədbirin rəsmi açılış mərasiminə kimi beynəlxalq mentorlar tərəfindən “Marketdə düzgün seqmentin seçilməsi”, “Müştəri yönümlü həllər”, “Pitçinq”, “İnnovativlik və Səmərəlilik” və “Startap komandasının funksional səriştəliliyi” mövzularında 11 master-klass təşkil olunub.

Bununla yanaşı, tədbir çərçivəsində startaplara təqdimatla çıxış etmək, B2B formatda görüşlər keçirmək, investorlarla görüşmək, sərgi və panel müzakirələrdə iştirak etmək imkanları yaradılacaq.

“Take Off Baku” startap sammitinin moderatoru qismində startaplar və akseleratorlar üzrə beynəlxalq səviyyəli ekspert Tal Catran çıxış edəcək.

Yeni innovativ layihə və həll yolları təklif edən startapların mükafatlandırılması mərasimi mayın 28-də baş tutacaq.

Bizimlə əlaqə saxlayın

Digər İqtisadiyyat xəbərləri