24 
İyn
2022
19:17
115
68
1153
Virtual karabakh

Bakıda İnvestisiya Sammiti keçiriləcək - FOTO

24 İyn, 2022
19:17
1153

Bakıda İnvestisiya Sammiti keçiriləcək - FOTO

Bizim WhatsApp kanalımıza buradan abunə ola bilərsiniz

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Bakıda səfərdə olan İslam Əməkdaşlıq Təşkilatının Gənclər Forumunun (ICYF) prezidenti Taha Ayhan ilə bu ilin noyabrında Bakıda növbəti İnvestisiya Sammitinin keçirilməsinə dair əməkdaşlıq haqqında Anlaşma Memorandumu imzalayıb.

Bu barədə KOBİA-dan bildirilib.

Görüşdə KOBİA və təşkilat arasında əməkdaşlığın inkişafından və birgə tədbirlərin təşkilindən məmnunluq ifadə edilib, əməkdaşlıq imkanlarına dair fikir mübadiləsi aparılıb.

Qeyd edək ki, 2021-ci ilin 27-29 oktyabr tarixlərində Bakıda Azərbaycan İnvestisiya və Mədəniyyət Sammiti keçirilib. İqtisadiyyat və Mədəniyyət nazirliklərinin dəstəyi, KOBİA və ICYF-in təşkilatçılığı ilə keçirilmiş tədbirdə İslam Əməkdaşlıq Təşkilatına üzv ölkələrdən dövlət rəsmiləri, beynəlxalq təşkilatların və diplomatik korpusun təmsilçiləri, iş adamları, investorlar, startaplar, gənclər təşkilatları, ümumilikdə 20-dən çox ölkədən nümayəndələr iştirak ediblər.

Tədbirdə iqtisadiyyat naziri Mikayıl Cabbarov, gənclər və idman naziri Fərid Qayıbov, Türkiyə Prezidentinin maliyyə ofisinin müdiri Göksel Aşan, Türkiyə Prezidenti yanında İnvestisiya Ofisinin rəhbəri Burak Dağlıoğlu, Dünya Etnosport Konfederasiyasının prezidenti Necmettin Bilal Erdoğan, Türkiyənin Sənaye və Texnologiyalar nazirinin müavini Çetin Ali Dönməz və s. spiker qismində çıxış ediblər.

Sammit çərçivəsində Azərbaycanın, o cümlədən işğaldan azad edilmiş Qarabağın biznes və investisiya potensialı, İslam Əməkdaşlıq Təşkilatına üzv ölkələrin iqtisadi və ticarət perspektivləri, post COVID dövründə iqtisadiyyatın bərpası, startap layihələrinə investisiya qoyuluşu kimi mövzularda 7 panel iclas təşkil olunub, İƏT-ə üzv ölkələrdən 50 yeni startapın təqdim olunduğu sərgi keçirilib.

Bizimlə əlaqə saxlayın

Digər İqtisadiyyat xəbərləri