25 
İyn
2022
16:04
204
26
1802
Virtual karabakh

KOBİA və BNA yeni dövlət-özəl əməkdaşlığı layihəsinə start verdilər - FOTO/VİDEO

25 İyn, 2022
16:04
1802

KOBİA və BNA yeni dövlət-özəl əməkdaşlığı layihəsinə start verdilər - FOTO/VİDEO

Vətəndaşlara keyfiyyətli ictimai nəqliyyat xidmətlərinin göstərilməsi daim diqqətdə saxlanılır.

Dövlət başçısının tapşırıq və göstərişlərinə əsasən, son illərdə paytaxtın avtobus parkının müasirləşdirilməsi, sərnişinlərin müntəzəm marşrut avtobuslarından təhlükəsiz və rahat istifadəsini təşkil etmək məqsədilə ardıcıl tədbirlər həyata keçirilir. Yeni texnologiyalar və innovasiyalar tətbiq edilməklə ictimai nəqliyyat infrastrukturu da yenilənir. 

Bu çərçivədə Bakı şəhərində smart tipli avtobus dayanacaqlarının quraşdırılması işləri davam etdirilir. Yeni dayanacaqların quraşdırılması Bakı Şəhər İcra Hakimiyyəti başçısının tabeliyində Bakı Nəqliyyat Agentliyi və Kiçik və Orta Biznesin İnkişafı Agentliyinin (KOBİA) birgə dəstəyi ilə həyata keçirilir.

Dövlət-özəl əməkdaşlığı çərçivəsində həyata keçirilən layihə tam olaraq özəl sektor tərəfindən maliyyələşdiriləcək və idarə olunacaq. Layihənin məqsədi avtobus dayanacaqlarının funksionallığının və innovativliyinin artırılması, ictimai  nəqliyyat infrastrukturunun idarəedilməsi sahəsində dövlət-özəl əməkdaşlığı modelinin tətbiqinin genişləndirilməsidir.

Tamamilə yerli istehsal olan smart avtobus dayanacaqlarının bir çox üstünlükləri var. Dayanacaq pavilyonunda sərinləndirmə sistemi quraşdırılıb ki, bu da şəhərin ictimai nəqliyyat infrastrukturunda bir ilkdir. Müasir avadanlıqlarla təchiz olunan smart dayanacaqlarda müşahidə kameraları və monitor quraşdırılıb. Dayanacaqların işıqlandırılması və elektrik təminatı qismən Günəş paneli hesabına təmin olunacaq. Smart dayanacaqlarda qəhvə, çay, su və s. zəruri məhsulların satışı təşkil ediləcək.

Növbəti smart tipli avtobus dayanacağı metronun “Memar Əcəmi” stansiyasının yaxınlığında Hüseynbala Əliyev küçəsində quraşdırılıb. Buradan üç müntəzəm marşrut xətti üzrə avtobuslar keçir və sərnişin axını baxımından əsas cəlbetmə məntəqələrindən hesab olunur. Bu dayanacaq pavilyonuna da fərdi ad verilib. Belə ki, pavilyon “Memar Əcəmi” dayanacağı adlandırılıb.
Yaxın iki il ərzində ümumilikdə Bakı şəhərində 100 smart dayanacağın quraşdırılması nəzərdə tutulur.

Bizimlə əlaqə saxlayın

Digər İqtisadiyyat xəbərləri