İranın energetika naziri Azərbaycana səfərə gəlib - YENİLƏNİB

İranın energetika naziri Əli Əkbər Mehrabian Bakıya səfərə gəlib.

APA-nın Tehran bürosunun məlumatına görə, səfər çərçivəsində Mehrabian Azərbaycanda bir sıra görüşlər keçirəcək.

Nazir səfərdən əvvəl jurnalistlərə bildirib ki, İran hökumətinin siyasəti qonşu ölkələrlə, xüsusilə Azərbaycanla əlaqələri hərtərəfli inkişaf etdirməkdir. Bu siyasətin təmini istiqamətdə iki ölkənin prezidentləri müxtəlif görüşlər keçirib.

Mehrabian qeyd edib ki, İranla Azərbaycan arasında su və elektrik enerjisi sahəsində geniş əməkdaşlıq mövcuddur: "Elektrik enerjisi sahəsində İran, Azərbaycan və Rusiya şəbəkələrinin sinxronlaşdırılması layihəsi mövcuddur. Səfər zamanı bu layihə haqqında müzakirələr aparılacaq. Su sahəsində də iki ölkənin müştərək layihələri mövcuddur. “Qız Qalası” və “Xudafərin” bəndləri üzərində elektrik stansiyasının işə salınması məsələsi də müzakirə edilir. Bu stansiyaların işə salınması ilə iki ölkə müştərək elektrik enerjisi istehsal edəcək".

19:01

İranın energetika naziri Əli Əkbər Mehrabian Azərbaycana səfər edəcək.

Məlumata görə, onu səfəri bir günlük olacaq.

Nazirin bu gecə Bakıya gələcəyi bildirilib. Onun ölkə rəsmiləri ilə görüşləri isə iyulun 6-na planlaşdırılıb.

Həmçinin, qeyd olunub ki, səfər zamanı enerji sahəsində əməkdaşlığa dair sənədlərin imzalanacağı gözlənilir.

Mənbə: IRNA