25 
İyl
2022
14:00
83
49
918
Virtual karabakh

İndiyədək qazi və şəhid ailələrinin neçə milyon manatlıq borcları ödənilib?

25 İyl, 2022
14:00
918

İndiyədək qazi və şəhid ailələrinin neçə milyon manatlıq borcları ödənilib?

Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna (“YAŞAT” Fondu) toplanan vəsait hesabına indiyədək qazi və şəhid ailələrinin 6,5 milyon manatlıq borcları ödənilib.

“Report”un əldə etdiyi məlumata görə, vəsaitlər ödənişlərin xərc istiqamətləri üzrə bölgüsü və ödənişlərin xərc istiqamətlərinin alt növləri üzrə bölgüsünə uyğun olaraq sərf edilib.

Belə ki, fonda toplanan vəsaitdən öhdəliyə götürülmüş şəxslərin məişət şəraitinin yaxşılaşdırılması üçün 37 568 200,00 manat xərclənib.

Tibbi xərclərin ödənilməsi üçün 18 738 906,08 manat, borc öhdəliklərinin qarşılanması üçün 6 594 437,06 manat, təhsil, peşə hazırlığı və yaradıcı potensialın inkişafı üçün isə 814 884,39 manat sərf olunub.

Evin təmiri üçün 20 516 700,00, müalicə xərcinin qarşılanması üçün 17 243 935,21, bank borcları üçün 6 267 199,10, qeyri-bank borcları üçün 327 297,96, təhsil haqqının ödənilməsi üçün 559 598,78 manat və digər məsələlərlə bağlı müxtəlif məbləğlərdə vəsaitlər sərf olunub.

Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna (“YAŞAT” Fondu) indiyədək 74 147 333,6 manat toplanıb.

Həmin vəsaitdən 23 492 742,53 manatı fiziki şəxslər, 50 654 591,07 manatı isə hüquqi şəxslər tərəfindən ödənilib.

Fonda daxil olan vəsaitin 63 113 952,8 manatı xərclənib.

Vəsaitin hazırkı qalığı isə 11 033 380,8 manatdır.

Bizimlə əlaqə saxlayın

Digər İqtisadiyyat xəbərləri