Bu il 802 min şəxs sosial müavinət və təqaüdlə təmin edilib - FOTO
Bu il 802 min şəxs sosial müavinət və təqaüdlə təmin edilib - FOTO
Əhaliyə sosial müavinətlər üzrə 35 faiz çox olmaqla 465 milyon manat, Prezident təqaüdləri üzrə 27 faiz çox olmaqla 308 milyon manat ödənilib.
Bu barədə Əmək və Əhalinin Sosial Müdafiəsi Nazirliyi məlumat yayıb.
Bildirilib ki, yanvar-iyul aylarında Nazirliyin tabeliyindəki Dövlət Sosial Müdafiə Fondu tərəfindən 802 min şəxsə sosial müavinət və təqaüd ödənilib.
Onlardan 441 min nəfəri sosial müavinətlə, 361 min nəfəri Prezidentin aylıq təqaüdü ilə təmin olunub.
Əhaliyə sosial müavinətlər üzrə ötən ilin müvafiq dövrünə nisbətən 35 faiz çox olmaqla 465 milyon manat, Prezident təqaüdləri üzrə 27 faiz çox olmaqla 308 milyon manat ödənilib.
Bu ilin 7 ayında 153,8 min, sosial ödənişlərin elektron təyinatına başlandığı 2019-cu ildən 374,5 min müavinət və təqaüd təyinatı e-sistem üzərindən proaktiv qaydada həyata keçirilib.
