“Facebook”da yeni funksiya aktiv edildi

Mark Zukerberq “Facebook”da da “Story” (Hekayə) funksiyasını aktiv edib.

Oxu.Az Axşam.az-a istinadən xəbər verir ki, “Instagram” və “WhatsApp”da olduğu kimi, “Facebook Messenger” və “Facebook mobile” versiyaları üçün bu funksiya artırılıb.

Buna səbəb isə şirkətin rəhbəri M.Zukerberqin “Snapchat”ı ala bilməməsidir. O, buna görə bir müddətdir göz dikdiyi “Snapchat”da olan özəllikləri öz sahibi olduğu proqramlarda tətbiq edir.

Hazırda, sadəcə, bəzi istifadəçilərdə aktiv olan bu xüsusiyyət qısa müddət ərzində “iOS” və “Android” istifadə edən hər kəsdə olacaq.

U.A.
www.oxu.az