“Taxt oyunları”nın 5-ci bölümünün ssenarisi də internetə sızdı
“Taxt oyunları”nın 5-ci bölümünün ssenarisi də internetə sızdı
ABŞ-da HBO kabel televiziyasının saytına hücum etmiş hakerlər populyar “Taxt oyunları” (“Game of Thrones”) serialının yeni mövsümdəki 5-ci bölümünün ssenarisini internetə yerləşdiriblər.
Oxu.Az lent.az-a istinadən xəbər verir ki, ssenari ilə birlikdə telekanal rəhbərlərindən birinin yazışmaları da yayılıb.
Hakerlər HBO-nun baş direktoru Riçard Pleferə müraciət ünvanlayıblar. Onlar pul tələb etsələr də, konkret məbləğ söyləməyiblər. Hakerlər HBO-nun saytının müdafiəsini “sındırmağı” asan iş adlandırıblar: “Biz sizin nəhəng şəbəkənizin müdafiəsini uğurla keçdik. HBO bizim mürəkkəb məqsədlərimizdən biri idi, lakin biz cəmi 6 aya uğura nail olduq”.
Xatırladaq ki, ötən həftə hakerlər “Taxt oyunları”nın 4-cü bölümünü internetə qoyublar. HBO-ya hücum edən hakerlər ümumilikdə 1,5 terabayt material ələ keçirdiklərini bildiriblər.
L.Ə.