Mobil operatorların gəlirləri açıqlandı

2018-ci ilin yanvar-mart ayları ərzində informasiya və rabitə müəssisələri 421,9 milyon manatlıq xidmət göstərib. 

Oxu.Az xəbər verir ki, onun 71,6 faizi əhali tərəfindən istehlak olunub. 

2017-ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 13,2 faiz artıb. 

Bu sahədə əldə edilən gəlirin 80,7 faizi qeyri-dövlət sektorunun payına düşüb. Xidmətlərdən əldə edilən gəlirin 49,1 faizi və ya 207,3 milyon manatı mobil telefon rabitəsi sahəsində formalaşıb. 

Qeyd edək ki, cari ilin iki ayında rabitə sahəsində xidmətlərdən əldə edilən gəlirin 48,6 faizi və ya 135,5 milyon manatı mobil telefon rabitəsi sahəsində formalaşıb. 

L.Ə.
www.oxu.az