İyn
2019
18:19
104
23
921
Virtual karabakh

“Expressbank” uşaqlara Ramazan bayramı sevinci yaşatdı

Korporativ sosial məsuliyyət siyasətində hər zaman fəal olan “Expressbank” 4 iyun 2019-cu ildə “Xoşbəxt gələcəyimiz naminə” adlı layihə çərçivəsində daha bir xeyriyyə tədbirini reallaşdırdı.

Ramazan bayramı münasibəti ilə bank əməkdaşları İdarə Heyətinin Sədri İlham Həbibullayev ilə birlikdə Təhsil Nazirliyinin nəzdində fəaliyyət göstərən Sumqayıt şəhər inteqrasiya təlimli internat tipli gimnaziyanın özəl uşaqlarına bol əyləncəli gün təşkil ediblər.

70-dən çox uşağı qonaq qəbul edən bank əməkdaşları balacalarla birlikdə onlar üçün təşkil edilən şou-proqramda əyləndilər. Daha sonra “Expressbank” əməkdaşları balaca dostlar üçün bu özəl günün xatirəsi olaraq onların hər birinə hədiyyələr payladı.

“Expressbank”ın korporativ sosial məsuliyyət fəaliyyəti çərçivəsində daha bir xeyriyyə tədbiri Mingəçevir şəhərində reallaşdı. Mingəçevir Uşaq Nevroloji Sanatoriyasında sağlamlıq imkanı məhdud və kimsəsiz 22 uşaq üçün əyləncəli saatlar təşkil edilib və hədiyyələr verilib.

“Expressbank”ın uzun illərdir fəaliyyət göstərən “Xoşbəxt gələcəyimiz naminə” adlı layihəsinin məqsədi ölkənin gələcəyi olan uşaqların, gənclərin maarifləndirilməsinə, daha faydalı vətəndaş kimi yetişməsinə və hərtərəfli inkişafına dəstək olmaqdır.

Pərakəndə və biznes bankçılıq sahəsində fəaliyyət göstərən, geniş maliyyə məhsulu və xidmətlərinə malik olan “Expressbank”-ın ölkə ərazisində 15 filialı mövcuddur. Bank xidmətləri barədə ətraflı məlumatı 132 Məlumat Mərkəzinə zəng edərək, www.expressbank.az saytına və ya bankın sosial şəbəkələrdəki rəsmi səhifələrinə daxil olaraq əldə edə bilərsiniz.

Tədbirdən hazırlanan videonu təqdim edirik:

Bizimlə əlaqə saxlayın

Digər İKT xəbərləri