16 
İyl
2019
15:45
23
60
1149
Virtual karabakh

“Express maarifləndirmə” layihəsinin məzunları artır - FOTO

Gənclərin yeni biliklər əldə etməsinə və bank fəaliyyətində ümumdünya təcrübəsi ilə yaxından tanış olmağına şərait yaratmaq məqsədini daşıyan “Expressbank”ın “Express maarifləndirmə” layihəsinin 2019-cu ilin ilk altı ayında təşkil etdiyi təlim və seminarlardan 300 nəfər faydalanıb.

Gənclərin, tələbələrin maarifləndirilməsi üzrə davamlı olaraq faydalı görüşlər təşkil edən “Expressbank”ın nəzdində fəaliyyət göstərən “Express İnkişaf Mərkəzi”nin bu layihəsi cari ilin yanvar ayından müxtəlif səpkidə mövzular üzrə maraqlı seminarlar, təlimlər təşkil etməkdə davam edir. Bu görüşlər hər ay bankın peşəkar mütəxəssislərinin iştirakı ilə baş tutur.

Belə ki, bankın Ödəniş sistemləri və Hesablaşmalar Mərkəzinin rəhbəri Teymur Ağakişiyev tərəfindən “Bank kartları”, təlim və tədris şöbəsinin rəhbəri Faiq Musayev “Peşəkar CV”, bankın Audit Komitəsinin sədri Fazil Məmmədov tərəfindən “Bank fəlsəfəsi”, bankın insan resursları departamentinin əməkdaşı Nurxan Babayev tərəfindən “Emosional intellekt” və “Peşəkar mütəxəssis”, bankın hüquq departamentinin rəhbəri Emil Xəlilov tərəfindən “Bank qanunvericiliyi”, bankın maliyyə departamentinin direktor müavini Fuad Məmmədli tərəfindən “Maliyyə savadlığı” və bankın texniki avadanlıqlara nəzarət şöbəsinin rəhbəri Səid Məmmədov və əməkdaşı İlqar Məmmədov tərəfindən müxtəlif mövzularda təlimlər təşkil edilib.

Bankdaxili təlimlərlə yanaşı, Maliyyə Bazarlarına Nəzarət Palatasının təşkilatçılığı ilə Bakıda mayın 13-17-də təşkil edilən “Maliyyə və rəqəmsal texnologiyalar həftəsi”ndə “Fintex Sammit - Maliyyə və Texnologiyalar Sammiti” çərçivəsində “Express İnkişaf Mərkəzi”ndə açıq qapı günü elan edilərək 40 nəfərə təlim təşkil olunub.

“Expressbank”ın nəzdində fəaliyyət göstərən “Express maarifləndirmə” layihəsinin əsas hədəfi keyfiyyətli və tədris sahəsində ehtiyacları qarşılayan mərkəzə çevrilmək və potensialı olan gənclərin bank sahəsində təcrübə əldə edərək gələcəkdə daha böyük uğurlara nail olmalarına zəmin yaratmaqdır.

Layihənin davamı olaraq növbəti maarifləndirici təlimlər 26 iyulda baş tutacaq. Bankın informasiya texnologiyaları departamentinin direktor müavini Şahin Kərimovun iştirakı ilə “Rəqəmsal texnologiyalar dövründə karyera” mövzusunda təlim təşkil ediləcək.

Qeydiyyatdan keçən ilk 40 nəfər təlimdə iştirak şansı qazanacaq. İştirak etmək istəyənlər etm@expressbank.az elektron ünvanına CV formalarını göndərə bilərlər.

Pərakəndə və biznes bankçılıq sahəsində fəaliyyət göstərən, geniş maliyyə məhsulu və xidmətlərinə malik olan “Expressbank”ın ölkə ərazisində 15 filialı mövcuddur. Bank xidmətləri barədə ətraflı məlumatı 132 Məlumat Mərkəzinə zəng edərək, www.expressbank.az saytına və ya bankın sosial şəbəkələrdəki rəsmi səhifələrinə daxil olaraq əldə edə bilərsiniz.

Bizimlə əlaqə saxlayın

Digər İKT xəbərləri