12 
Noy
2019
10:10
34
20
831
Virtual karabakh

“Bestcomp Group CISCO” tərəfindən “Azərbaycanda İlin Partnyor Şirkəti” seçilib

Noyabrın 4-dən 7-dək ABŞ-ın Las-Veqas şəhərində keçirilmiş, dünyanın çoxlu sayda ölkəsindən 4 mindən çox iştirakçının qatıldığı “CİSCO Partner Summit” tədbirində “Bestcomp Group” şirkəti 2019-cu ilin “Azerbaijan Enterprise Partner of the Year” mükafatı ilə təltif edilib.

Mükafat CISCO-nun Avropa üzrə vitse-prezidenti Odysseas Çaralambousun, RMDB üzrə vitse-prezidenti Jonathan Sparrou və MDB ölkələri üzrə partnyor menecer Sergey Kravçukun iştirakı ilə keçirilən mükafatlandırma mərasimində BestComp Group şirkətinin Müşahidə Şurasının sədri Rauf Həsənova təqdim olunub.

Xüsusilə qeyd edilib ki, Bestcomp Group bu mükafata Azərbaycanda dövlət və özəl sektorda həyata keçirilən ölkəmiqyaslı böyük layihələrdə uğurlu iştirakına görə layiq görülüb.

Rauf Həsənov CISCO şirkətinin dünya IT bazarının liderlərindən biri olmasını qeyd edərək, Bescomp Group şirkətinin CISCO tərəfindən təltifinin məhz ABŞ-da baş verməsini şirkət tarixində əlamətdar hadisə hesab edir. O bildirmişdi ki, son illər Azərbaycanda rəqəmsal transformasiya dövlət və özəl qurumları tərəfindən geniş miqyasda tətbiq edilir və bu sahədə CISCO ən uğurlu şirkətlərdən biridir.

Bestcomp Group CISCO şirkətinin “Premier Partnyor”u olaraq son illər ölkəmizdə həyata keçirilən MPLS və magistral nəqliyyat şəbəkələrinin quraşdırılması (DWDM texnologiyası üzrə) kimi mürəkkəb layihələr daxil olmaqla, çoxlu sayda data mərkəz, telekommunikasiya, informasiya təhlükəsizliyi, çağrı mərkəzləri kimi böyük layihələrin tətbiqində uğurla iştirak edir.

Rauf Həsənov Bestcomp Group-da CISCO şirkətinin müəyyən etdiyi ixtisas səviyyəsi göstəricisi olan CCİE, CCNP, CCDA, CCNA, ASAAM sertifikatlarını qazanmış mütəxəssislərin çalışdığını və bunun sayəsində geniş miqyaslı İT layihələrin həyata keçirildiyini vurğulamışdı.

Daha sonra o deyib: “CISCO tərəfindən verilən bu qiymət bizi çox sevindirir. Bu bizim şirkətin ABŞ-da təltif edildiyi ilk hadisə deyil. 2017-ci ildə BestComp Group ABŞ-ın Çikaqo şəhərində Cənubi Şərqi Avropada 24 ölkə arasında HP İnc. şirkətinin “HP Partner of the Year” mükafatına layiq görülüb.

Əlbəttə ki, bütün bunlara ölkəmizdə İT sahəsində gedən böyük müsbət dəyişikliklər zəmin yaratmışdır. Bu səbəbdən böyük məmuniyyətlə bizi etibarlı tərəfdaş hesab edən dövlət və özəl qurumlardan olan sifarişçilərə, ümumiyyətlə, bütün tərəfdaşlarımıza və bizimlə çalışanlara minnətdarlığımızı bildirirəm”.

Bizimlə əlaqə saxlayın

Digər İKT xəbərləri