Səlcuq Bayraktar: “TEKNOFEST” digər ölkələrdə də keçirilə bilər”
Səlcuq Bayraktar: “TEKNOFEST” digər ölkələrdə də keçirilə bilər”
“TEKNOFEST” festivalı Türkiyə xaricində ilk dəfə Azərbaycanda keçirilir. Amma digər ölkələrdə də keçirilməsi nəzərdə tutulur”.
Oxu.Az xəbər verir ki, bunu açıqlamasında Səlcuq Bayraktar deyib.
S.Bayraktarın fikrincə, “TEKNOFEST”ə maraq çoxdur:
“İndoneziya, Ukrayna və Özbəkistanda da “TEKNOFEST”ə maraq çoxdur. Bu festival Türkiyədən sonra ilk dəfədir Bakıda təşkil edilib. Bu gün “TEKNOFEST Azərbaycan” festivalına maraq çox böyükdür. Əslində bu, ilk dəfə Azərbaycanda keçirildiyi üçün biz bu qədər maraq gözləmirdik. Təşkilatçılıq da yüksək səviyyədədir”.
S.Bayraktar valideynlərə uşaqlarını festivala gətirməyi tövsiyə edib:
“Uşaqlar burada təyyarə, yaxud PUA-lara toxunmalıdır ki, gələcəkdə ölkələrimizin təhlükəsizliyini qoruyacaq təyyarələr istehsal edilsin”.
Könül Cəfərli