29 
Dek
2016
22:39
14
8
3390
Virtual karabakh

Qışda ayaqları daim üşüyən insanlara məsləhət

Bir çoxları qışda ayaqlarının daim üşüdüyündən şikayətlənir. Lakin ayaqlarınızı isitməyin bir neçə yolu var.

Oxu.Az Aile.lent.az-a istinadla qışda ayaqları isitməyin asan yolları ilə sizi tanış edir.

Doğru corablar seçin

Ayaqlarınızı isitmək istəyirsinizsə, pambıq əvəzinə yun corablar seçin. Pambıq corablar ayaqdakı təri əmərək nəmlənir, nəmli corablar isə ayaqların üşüməsinə səbəb olur. Yun, xüsusilə merinos yunundan olan corablar tərləmənin qarşısını alır və ayaqları isti saxlayır.

Duş qəbul edin

Ayaqlarınızın donduğunu hiss edirsinizsə, isti duş qəbul edin. Ayaqlarınızı isti su dolu vannada da saxlaya bilərsiniz.

İsti maye için (Qəhvə yox!)

Yaşlıların da dediyi kimi, çölünüzü isitmək istəyirsinizsə, əvvəl içinizi isitməlisiniz. Bu məqamda bitki çayı və süd kimi isti içkilər, isti şorbalar isinmənizə kömək ola bilər. İsti içki seçiminizdə kafeinli içkilərdən uzaq durun. Kafeinli içkilər damarları daraldaraq daha çox üşümənizə səbəb olar.

Hərəkət edin

Ayaqlarınızın üşüməsinə mane olmağın ən yaxşı yolu qan dövranını təmin etməkdir. Bunun üçün isə ən yaxşı yol fiziki fəaliyyətdir. Uzun müddət oturmaq əzələləri boşaldır və ürək döyüntülərini zəiflədir. Bu da bədənin soyumasına səbəb olur. Yalnız evin içində yeriyərək belə, qan dövranını fəaliyyətə gətirə bilərsiniz.

Ayaqqabınıza qışlıq döşəmə yerləşdirin

Ayaqları isti saxlamağın daha bir yolu ayaqlarla yer arasındakı məsafəni artırmaqdır. Ayaqqabılarınızın içinə yerləşdirəcəyiniz qışlıq bazalar soyuğun içəri sızmasına mane olar.

A.S.
www.oxu.az