İyl
2017
16:06
276
15
7174
Virtual karabakh

Alimlərin xərçənglə mübarizədə ilk UĞURU

6 İyl, 2017
16:06
7174

Alimlərin xərçənglə mübarizədə ilk UĞURU

Bizim WhatsApp kanalımıza buradan abunə ola bilərsiniz

Amerika, Almaniya və Avstriya onkoloqları sübut ediblər ki, sınaqdan çıxardıqları xərçəngə qarşı vaksin təhlükəsiz və melanomanın profilaktikası üçün klinik effektlidir.  

Oxu.Az-ın məlumatına əsasən, iki müvafiq tədqiqat “Nature” jurnalında dərc olunub.

Birinci nəşrdə amerikalı alimlər vaksinin klinik sınaqlarının dəri xərçəngi ilə bağlı olan fərdiləşdirilmiş 20 neoantigeninə istiqamətləndirilmiş ilk mərhələsinin nəticələri haqqında məlumat verirlər.

Peyvənd edilmiş altı pasiyentdən dördündə 25 ay ərzində melanomanın yenidən baş qaldırması müşahidə edilməyib.

İkinci nəşrdə almaniyalı və avstriyalı müəlliflər ilk dəfə olaraq RNT əsasında vaksinasiyaya fərdiləşdirilmiş yanaşmanın tətbiq edilməsi haqqında məlumat verirlər. Bu cür yanaşma melanomalı 13 pasiyentdə neoepitopların məhv edilməsinə yönəldilmişdi. Vaksinasiyadan 23 ay sonra xəstələrin səkkizində şişlər yoxa çıxmışdı. 

Mütəxəssislər vaksinlərin klinik sınaqdan keçirilməsinin ikinci fazasına başlamağı, eləcə də, onların xərçəngin digər növləri ilə mübarizədə effektliyini müəyyənləşdirməyi planlaşdırırlar.

N.O.

www.oxu.az

Bizimlə əlaqə saxlayın

Digər Maraqlı xəbərləri