“Çəhrayı miras” adlı üzük rekord qiymətə satıldı - FOTO

Cenevrədə keçirilən auksionda “Çəhrayı miras” adlı üzüyün qiyməti dünya rekordunu yeniləyib.

Oxu.Az xəbər verir ki, üzüyü ABŞ-da yerləşən “Harry Winston” adlı zərgərlik şirkəti alıb.

19 karatlıq üzük 24 milyon İsveçrə frankından satışa çıxarılıb. Auksion zamanı isə 44 milyon 500 min Siveçrə frankına, təxminən, 50 milyon manata satılıb.

Üzüyün indiyədək auksiona çıxan ən böyük və ən yaxşı almaz olduğu bildirilib.

Söylənilib ki, “Çəhrayı miras” yəhudi əsilli milyarder Openheymer ailəsindən miras qalıb.

Pərviz Hüseyn
www.oxu.az